Fæðingarþjónusta og önnur heilbrigðisþjónusta –auglýst eftir framtíðarsýn.

Á  Heilbrigðisstofnun Vestmannaeyja (áður Sjúkrhúsi Vestmannaeyja) hefur frá upphafi verið veitt þjónusta fyrir barnshafandi konur og fjölskyldur þeirra. Þjónustan hefur verið skipulögð og veitt af ljósmæðrum, en þeð samvinnu við heilsugæslulækna og skurðlækni svo og ráðgefandi sérfræðinga á LSH. Til skamms tíma hefur sólarhringsvakt ljósmæðra fyrir fæðingarþjónustu verið mönnuð af tveimur stöðugildum. Stjórnendur stofnunarinnar ákváðu fyrr á þessu ári að fella niður annað stöðugildið. Gjörningurinn sem slíkur er í meðferð hjá til þess bærum aðilum sem eru sérfræðingar í vinnurétti, en ágreiningur er um hvernig að stöðuhlutafallsbreytingunni var staðið.
Það er ljóst að fæðingum í Vestmannaeyjum hefur fækkað s.l. áratug og ekkert í dag bendir til að þeim fjölgi hér aftur því miður. Það er skiljanlegt að stjórnendur endurskoði stöðugildi ljósmæðra, en óskiljanlegt að gera það með þeim hætti sem valinn var. Eitt stöðugildi nægir ekki til að manna sólarhringsvakt allan ársins hring. Ljósmæður hafa tvöfalda menntun og sumar jafnvel meira.  Því er undarlegt að stofnun sjái ekki hag í að semja um breytt vinnufyrirkomulag og leita eftir að nýta þekkingu þeirra á breiðari vettvangi. Ef halda á í starfsmenn með sérhæfða þekkingu verða stjórnendur að vera vakandi fyrir ýmsum þjóðfélagsbreytingum og aðlaga þjónustuna að þeim. Þó að fæðingum hafi fækkað er jafn nauðsynlegt og áður að fjölskyldur í Vestmannaeyjum á barneignaraldri hafi vissu fyrir hvaða þjónusta er í boði hér. Það má ljóst vera að helmings niðurskurður á stöðugildi hefur afgerandi þýðingu fyrir efnahag manneskjunnar sem í því lendir og eðlilegt að hún bæti það upp með einhverjum hætti ef á annað borð er vinnu að fá. Í því niðurskurðarferli sem nú tröllríður heilbrigðiskerfinu er því miður hætta á að þekking og reynsla verði látin fyrir borð fyrir reynsluminni og ódýrari starfsmenn. Þessi eina stétt sem ég hef nefnt er bara brot af þeim niðurskurði sem starfsmenn heilbrigðisþjónustunnar hér í okkar litla samfélagi hafa  farið í gegn um á s.l. mánuðum.
Vegna gífurlegrar niðurskurðarkröfu stjórnvalda í erfiðum efnahagsþrengingum þjóðarinnar sjást nú nýjar áherslur í skipulagi heilbrigðisþjónustunnar á landsvísu. Samdráttur í launakostnaði, sameining þjónustustofnana og tilfærsla á þjónustueiningum eru miskunnarlausari en áður hefur þekkst og taka lítið tillit til einstakra byggðakjarna eða einstaklinga.
Nú er í augsýn breyting á samgöngum við Eyjar með tilkomu Bakkahafnar. Ekki er ólíklegt að sú breyting hafi áhrif á ýmsa opinbera þjónustu sem hér er fyrir hendi í dag, bæði til að auka og efla, en einnig til að fella niður og sameinast stærri einingum. Hvaða áhrif mun þetta hafa á heilbrigðisþjónustu Eyjanna er ósvarað. Hvað með skurðstofuþjónustuna, eigum við að berjast fyrir að efla hana, eða verður skurðstofunni lokað og hér verður eingöngu heilsugæsla, legudeild og þjónusta við aldraða?
Það er áhugavert að vita hver er framtíðarsýn sveitastjórnarmanna og alþingismanna kjördæmisins, en einnig stjórnenda Heilbrigðisstofnunarinnar varðandi þjónustu fyrir barnshafandi konur svo og aðra heilbrigðisþjónustu hér. Það er ekkert sem fæst án baráttu í dag, en fyrst og fremst verða markmið að vera skýr; hvaða þjónustu viljum við berjast fyrir? Eru fæðingar í heimabyggð eitt af þeim baráttumálum: -svar óskast.Guðný Bjarnadóttir, ljósmóðir

dótakassinn og raunveruleikinn

...ég fékk tæplega tveggja ára frænda minn í heimsókn í dag.....hann lék sér með tvö cerios í gröfuleik....burrrrrr og setti kornin í skófluna...keyrði og sturtaði...og sófaborðið varö að  gröfubraut þar sem miklar framkvæmdir voru í gangi...og ceriosið sturtaðist og var tekið upp aftur og aftur....og fyrir rest þegar leiknum lauk ...voru cerioskornin borðuð...og litli frændi minn var sigri hrósandi og glaður yfir þessu umhverfisvæna dóti.... hjá frænkunni... 

....svo leit ég í DV helgarinnar og sá þar umfjöllun um dótakassa í eigu svokallaðs útrásarvíkings  .....þar voru "leikföng" sem voru milljarðavirði.... en engar lýsingar um gleðina yfir þessu dóti

..ekki dauð

ljósan er ekki dauð ....nei hún er sprellifandi og stundar nú atvinnu í tveimur löndum..eða næstum því..... fólk sem enn nennir að stunda heimaleikfimi með opinberum árangri .....nýtur starfskrafta hennar á 101 svæðinu og líka á 900 svæðinu.... henni finnst alltaf jafn skemmtilegt að þjóna slíkum kúnnum...svo hefur tölvufiktið fleytt henni inn á fésbókina og á þar orðið hóp af vinum... já það er bara mikið að gera.... og Lóa litla papillontíkin mín er hálfs árs eftir 2 daga ...hún er að verða 9 merkur og kann orðið að ganga fallega í taumi og sitja pen...og fá nammi fyrir

lifið heil og njótið dagsins

Öflug kona

 sem er gott að fá inn í landsmálin...  ég styð hana heils hugar og hvet fleiri til að gera slíkt hið sama

Sækist eftir 1.-2. sæti hjá Samfylkingu í Suðurkjördæmi

...stopp

.....rússíbaninn er stopp ....
.....þökk sé heilagri Jóhönnu...
.....nú er bara að bíða og sjá hvaða undratækjum hún býr yfir
....einhver komst umhverfis jörðina á áttatíu dögum... og það í gamla daga ...fyrir þotuöldina

...áfram Jóhanna !!           

óumbeðinn rússssíbani..

...í sumar fór ég í rússíbana í Tívolíinu í Köben...reyndar bara í minnsta og ómerkilegasta...maður silaðist af stað lötuhægt og svo.....jinnnnnnn alltí einu var maður kominn á fleygiferð og vissi ekkert hvaða stefnu hann myndi taka...hnúarnir hvítnuðu og skelfingarsvipur festirt í andlitinu...og uppppppp.....og.....nniiiiiðððður...út á hlið....og maður var þurr í munninum og stjarfur af einhverskonar skrýtnum tilfinningum...maginn var uppi og niðri....vá hvað það var gott þegar þessu var lokið....

...ég er oft að spá í hvers vegna fólk hefur gaman af áhættusporti... alls konar teyjustökki og vitleysu..já og rússíbanaferðum..... kannski er það einmitt vegna þess hve það er gott þegar þessu er lokið og maður er á lífi....líður eins og manni hafi verið bjargað úr lífshættu.... 

mér líður dáldið eins og ég hafi verið sett í rússíbana....en veit bara ekki hvort hann stoppar.... og finn ekkert kikk

tuska ...undir feldi

...ég hef verið eins og borðtuska með tennur sem lufsast um af gömlum vana... þjóðfélagið er komið á haus,  bankarnir eru tómir, þeir hafa verið rændir, manni finnst ganga fullt af glæpamönnum lausum, grunaðir þjófar koma í sjónvarp og feika iðrun.... borga svo nokkrar krónur úr sínum ránsfeng til að friðþægja sig...tími aflátsbréfanna er löngu liðinn ... svo er heilbrigðiskerfið á landsbyggðinni komið í sameiningaferli... sameining er töfraorð...já og hagræðing, þó ekki hafi komið fram hve mikil hagræðing varð af sameiningu stóru spítalann á sínum tíma.... nú skal pína litlu krúttlegu heilsugæslustöðvarnar sem þjóna landsbyggðafólkinu  til að fara í sameiningaferli... og heilbrigðisráðherrann kom uppdubbaður úr almannatengslaæfingarprógrammi þar sem öll svör eru stöðluð og fyrirframákveðin af fjölmiðlaútkomusérfræðingarsálfræðingi... hvað þjónustu geta Vestmannaeyjar og Höfn í Hornafirði haft sameiginlega... kannski þeir sameinist um sjúkraflutninga það er svo hagkvæmt að senda sjúkrabíl með Herjólfi austur í sveitir.... ég bara þooooli ekki þetta ástand..... eini ljósi punkturinn í augnablikinu er hún Lóa litla hundurinn minn sem er alltaf í góðu skapi og hefur engar áhyggjur þó þjóðin sé gjaldþrota.... einn stuttur göngutúr er nóg til að hún taki gleðikast og dilli sinni litlu og fallegu rófu......... og fagni öllum þannig að það er eins og enginn sé jafn mikilvægur í lífi hennar......... já það Lóa sem sér um að tuskan úldnar ekki í þessu basli

góðar stundir

..ruglan

...mér finnst allt vera orðið eitthvað svo skrýtið....þrettándinn er orðinn eins og sleipur fiskur....hann skreppur til og frá á dagatali Eyjamanna..... og þegar ég vaknaði í morgun vann ég á Heilbrigðisstofnun Vestmannaeyja, en þegar vinnudeginum lauk í dag ver ég komin í vinnu á Selfossi............. hvað verður næst...

Ár vináttunnar

 

 

 

Við Lóa óskum bloggvinum gleðilegs árs og friðar. Það er yndislegt að eiga vini ..... megi eftirfarandi texti vera umhugsunarefni og hvatning á nýju ári

• „Ég get aðeins hvatt ykkur til að setja vináttuna ofar öllu öðru hér í heimi því ekkert er í jafn miklu samræmi við innsta eðli mannsins. Það er ekkert sem hefur meira gildi, hvort heldur vel gengur eða á móti blæs.“

Marcus Tullius Cicero, Um vináttuna V.17 (þýð. Margrétar Oddsdóttur

"ömmulum" fjölgar !!

"ef maður fær að lifa þá verður maður gamall" sagði einn eldri vinur minn fyrir nokkru ...og það er viska í orðum gamlingjans...þess vegna eru afmælisdagar gleðidagar því þeir eru merki um að maður er á lífi..............

Lóa litla er bara yndisleg...hún skælir ennþá á nóttunni og gamlar virðulegar frúr eru með andvökubauga og úfið hár...