tuska ...undir feldi

...ég hef verið eins og borðtuska með tennur sem lufsast um af gömlum vana... þjóðfélagið er komið á haus,  bankarnir eru tómir, þeir hafa verið rændir, manni finnst ganga fullt af glæpamönnum lausum, grunaðir þjófar koma í sjónvarp og feika iðrun.... borga svo nokkrar krónur úr sínum ránsfeng til að friðþægja sig...tími aflátsbréfanna er löngu liðinn ... svo er heilbrigðiskerfið á landsbyggðinni komið í sameiningaferli... sameining er töfraorð...já og hagræðing, þó ekki hafi komið fram hve mikil hagræðing varð af sameiningu stóru spítalann á sínum tíma.... nú skal pína litlu krúttlegu heilsugæslustöðvarnar sem þjóna landsbyggðafólkinu  til að fara í sameiningaferli... og heilbrigðisráðherrann kom uppdubbaður úr almannatengslaæfingarprógrammi þar sem öll svör eru stöðluð og fyrirframákveðin af fjölmiðlaútkomusérfræðingarsálfræðingi... hvað þjónustu geta Vestmannaeyjar og Höfn í Hornafirði haft sameiginlega... kannski þeir sameinist um sjúkraflutninga það er svo hagkvæmt að senda sjúkrabíl með Herjólfi austur í sveitir.... ég bara þooooli ekki þetta ástand..... eini ljósi punkturinn í augnablikinu er hún Lóa litla hundurinn minn sem er alltaf í góðu skapi og hefur engar áhyggjur þó þjóðin sé gjaldþrota.... einn stuttur göngutúr er nóg til að hún taki gleðikast og dilli sinni litlu og fallegu rófu......... og fagni öllum þannig að það er eins og enginn sé jafn mikilvægur í lífi hennar......... já það Lóa sem sér um að tuskan úldnar ekki í þessu basli

góðar stundir

Athugasemdir

[Guðný Ingvars (IP-tala skráð) 13.1.2009 kl. 08:49]

Sæl nafna mín!  og gleðilegt árið.  Það er með ólíkindum hvað svona iðandi rófa getur glatt mann.  Gutti, 5 ára og Týrus, 5 mán., sjá um að dilla rófunni í kátínu hjá okkur.  Reyndar hangir Týrus í rófunni á Gutta, sér til skemmtunar, en það er annað mál   Bestu kveðjur frá Selfossi. 

p.s. ég get kannski fengið tíma hjá Hjalta, ef allt er upppantað hjá Víði??   humm

[Guðný Bjarna, 13.1.2009 kl. 12:53]

Ragna: takk fyrir góðar kveðjur í ljósukot

Guðný: já ...iðandi skott eru bara yndisleg... tímabókunarkerfið verður kannski allt á einni hendi... nei líklega verðuru að fá tíma á Hornarfirði  mín kæra

[Hjördís Inga Arnarsdóttir, 13.1.2009 kl. 16:47]

þið Guðnýur komuð mér báðar til að brosa....Ragna gerir það nú líka margoft....held að enginn sparnaður verði af nýjustu "afrekum"  ráðherra heilbrigðismála...maður hefur það á tilfinningunni að ráðamenn þjóðarinnar séu algjörlega ráðalausir og láti allsskonar "fræðinga" draga sig á asnaeyrunum út í ógöngur eitthvert langt af leið svona skyndilausnir skila engu... ferfætlingarnir eru bara sannir gleðigjafar núna er mín lúllandi hjá mér......

[, 14.1.2009 kl. 12:53]

Já honum er ekki fysjað saman honum Gulla Heiló. Næst sameinar hann örugglega allt heilbrigðiskerfið utan Reykjavíkur og leggur það svo niður. Að mati lítilla dúdda sem aldrei fara austur fyrir Elliðaár er best að allir séu á sömu þúfunni - þ.e. Reykjavík. Og besta leiðin til að laða fólk þangað er að leggja niður alla þjónustu við það ef það býr annarsstaðar  Uff já ég er líka heldur pirruð

[Guðný Bjarna, 14.1.2009 kl. 16:45]

...já maður verður að vera jákvæður og brosa þegar verður slökkt á síðast landsbyggðar ljósastaurnum ...manni er víst nær að vera landsbyggðartútta

takk fyrir innlitið elskurnar