...annasamir dagar

nýjasti fjölskyldumeðlimurinn

þrjár dömur á einu heimili

Já það er mikið að gera á bænum, allir að læra á alla.... Þyrnirós hefur verið með úfið skott og læðst um með kviðinn niðrí gólfi, en er nú að átta sig á að Lóa litla ætlar að eiga heima hjá okkur og er hætt við að flytja að heiman..... þær bara horfast í augu og eru báðar jafn undrandi..... og gamla fólkið á bænum er hálf stressað um að allt fari í háa loft............ en lífið er bara yndislegt og allir glaðir

góðar stundir

 

kossssss...á línuna

ekki veitar af að senda góða strauma...ég held að allt sé að verða vitlaust

flutt

á gamlar slóðir  um sinn......takk fyrir samveruna...

...gúrkan

...ég las einhversstaðar að Britney Spears væri núna með munnangur og finnst að það skipti heiminn rosalega miklu máli að vita það...hugsið ykkur bara í öllu þessum látum er engin  að hugsa um litlu dekurstelpuna sem hefur verið fréttamatur heimsins í gúrkutíð og fréttaleysi.....

...við ættum að hætta smá stund að hugsa um fréttir af vísitölum ....og fara að hugsa hvernig fólki raunverulega líður... það eru mörg heimsins munnangur eða öngur  ...sem ekki tengjast vísitölum..

góðar stundir og elskaðu augnablikið (þú átt það!!)

Guðmundur Böðvarsson gefur ykkur umhugsunarefni :

 Fylgd

Svo hljótt þaut mín jörð yfir himinsins nafnlausu vegi,
að hjarta mitt fann ekki mismun á nóttu og degi,
í feiminni þrá, sem endalaust bíður og bíður.
Hann blekkti mig tíminn, ég vissi ekki, hvernig hann líður.

Og svo flaug hann á burt með mitt vor yfir heiðar og hlíðar
með höll mína, tign mína og ríki, – ég vissi það síðar,
með hið fegursta og besta, sem aðeins af afspurn ég þekki.
– Og ég átti það, átti það allt, en ég vissi það ekki.

Nú undrast ég það, þar sem einn ég í skugganum vaki,
að mín æska er liðin, er horfin, svo langt mér að baki,
á einfaldan hátt, eins og auðfarinn spölur á vegi,
þó undrast ég mest, að ég gekk þar, og vissi það eigi.

...sorg í hjarta en ljós á vegi

..já ég er bara sorgmædd...það er sama inn á hvaða síður er farið...allir eru að spekúlera í hruni efnahagskerfisins...allir hafa á einhvern hátt tekið þátt í vitleysunni hvernig svo sem það hefur verið...  að tapa einhverju er alltaf vont hvort sem það er stórt eða smátt ...og það sem er smátt fyrir einn getur verið stórt í huga annarra.... verðmæti peninga eru svo afstæð..... það sem veldur mér sorg er hve ég skynja mikla örvæntingu og óvissu hjá þjóðinni...enginn veit ennþá hvaða áhrif þetta hefur fyrir hvern og einn og fólk er óöruggt og kvíðið...  það er reitt og tilfinningaskalinn er í rússíbana upp og niður.... margir eru að reyna að sjá eitthvað gott í þessu og eru að taka til í "gildakistunni" og raða upp á nýtt hvað það er sem virkilega skiptir máli... þegar upp er staðið 

.... Guð gefi ykkur góða helgi og njótið augnabliksins...það kemur ekki aftur

Læt Megas gefa ykkur umhugsunarefni

Tvær stjörnur 

 

 Tíminn flýgur áfram og hann teymir mig á eftir sér

og ekki fæ ég miklu ráðið um það hvert hann fer. 

En ég vona bara að hann hugsi svolítið hlýlega til mín

og leiði mig á endanum aftu til þín.

 

Ég gaf þér forðum keðju úr gulli um hálsinn þinn,

svo gleymir þú mér ekki í dagsins amstri nokkurt sinn.

Í augum þínum svörtu horfði ég á sjálfan mig um hríð

og ég vonaði að ég fengi bara að vera þar alla tíð.

 

Það er margt sem angrar en ekki er það þó biðin

Því ég sé það fyrst á rykinu, hve langur tími er liðin.

Og ég skrifa þar eitthvað með fingrinum sem skipti öllu máli.

Því að nóttin mín er dimm og ein og dagurinn á báli.

 

 Já, og andlit þitt málað. Hve ég man það alltaf skýrt,

augnlínur og bleikar varir, brosið svo hýrt.

Jú ég veit vel, að ókeypis er allt það sem er best,

En svo þarf ég að greiða dýru verði það sem er verst.

 

Ég sakna þín í birtingu að hafa þig ekki við hlið mér

og ég sakna þín á daginn þegar sólin brosir við mér.

Og ég sakna þín á kvöldin þegar dimman dettur á.

En ég sakna þín mest á nóttuni er svipirnir fara á stjá.

 

Svo lít ég upp og sé við erum saman þarna tvær

stjörnur á blárri festingunni sem færast nær og nær.

Ég man þig þegar augu mín eru opin, hverja stund.

En þegar ég nú legg þau aftur, fer ég á þinn fund. 

bilað

...fyrst bilaði þvottavélin mín...svo hrundu bankarnir og efnahagskerfið í rúst.... og loks gaf kaffikannan á heimilinu upp andann ............. sorglegast með kaffikönnuna

 

...hvellur

já...fréttaflóð um yfirvofandi kreppu hefur heltekið mig...ég er  stjörf að hlusta á yfirvofandi hörmungar þegar peningarnir á veraldarvefnum "delítuðust" ...meira að segja ég átti fáeinar krónur inn á vefnum sem upphaflega var stofnað til vegna skattaafsláttar sem "kerfið" bauð almenningi upp á í nokkur ár ef fjárfest væri í "bréfpeningum".... og maður tók þátt..   og svo fóru að vaxa peningar (eða réttara sagt tölur í tölvunni) ...uppskeran verið misjöfn eftir árum en nú varð uppskerubrestur og blúppp ..."allt bú" eins og krakkarnir segja.... og fólki er boðin áfallahjálp ......... veit ekki hvort ég á að hlæja eða gráta... en ..góðærið sprakk með hvelli og eftir stendur almúginn eins og ég og horfir á "pappírs-töluna á skjánum" vera að eyðast út eins og ártalið á skjánum á gamlárskvöld.......úps !

..frá ýmsum áttum

..matseðill kvöldsins á mínu heimili var blanda úr mörgum áttum. ...kjötið var að sjálfsögðu úr sveitinni minni....kryddað með beitinni á Arnarvatnsheiðinni.....viðbótar-kryddið keypt á markaðnum í Lublijana...grænmetið ja..það fylgdi því ekki upprunavottorð....gruna að það sé ræktað á heitum slóðum....en pakningin var merkt Krónunni...rauðvínið var frá ítalíu...keypt í Danmörku...og flutt (smyglað) yfir á fósturlandið...kartöflurnar:.. rauðar íslanskar...úr þykkvabænum... og hrísgrjónin voru "Villt blanda" sem er pökkuð í Danmörku..en Guð má vita hvaðan hún er upprunnin...en þetta smakkaðist ljómandi

 

...útlitsdýrkun

...er komin út í algjöra vitleysu mér verður illt af tilhugsuninni hvað fólk getur látið sér detta í hug... heldur fólk að ánægja í kynlífi fari eftir útliti gersemanna.... hvaðan fær fólk þessar hugmyndir... ??

"Konur vilja líkja eftir súpermódelum og það er tíska í þessu eins og öðru" segir Mogginn.....  súpermódel sem sýnir á sér kynfærin.... hvar eru slík súpermódel ???...ég hef ekki orðið vör við  slíkar súpermódel-sýningar á gersemum náttúrunnar....

..... kynlífsiðnaðurinn er að ganga að kynlífinu dauðu með sama áframhaldi.....sveiattan

Kynfæraaðgerðir vafasamar

...lífið

... er upptekin af lífinu þessa dagana, vinnan mín er þversnið af tilfinningaskalanum og stundum er rússíbaninn bæði uppi og niðri á sama andartakinu og þá er tilfinningin eins og að hanga í lausu lofti...en sem betur fer er jörðin örugg á sama stað og það er gott að stíga fast í báðar fæturnar.... ....jarðtenging er algjört möööst!!!!   úa ...bara smá heilaleikfimi esskurnar mínar