..nýtt tungumál

"skortstaða, vogunarsjóður, eitraður vogunarsjóður, afleiður" ... ég er bara alveg hætt að skilja íslensku......

Athugasemdir

[kristín göngusystir (IP-tala skráð) 9.4.2008 kl. 11:14]

Ég hef heldur ekki skilið þessi orð. En í morgun þegar ég rakst á þessa frétt á mbl.is kviknaði smá glæta. Læt hana fylgja:

Sigurður Einarsson, stjórnarformaður Kaupþings, segir í viðtali við norska blaðiðAftenposten, að nokkrir vogunarsjóðir séu afar uppteknir af því að hringja í blaðamenn og fá þá til að skrifa neikvæðar greinar um Ísland. Hann nefnir til sögunnar sjóðina Trafalgar og AKO Capital.

Sigurður segir, að þetta geri sjóðirnir til að reyna að tryggja að þeir hagnist á svonefndri skortsölu á íslenskum hlutabréfum en það gera þeir með því að fá bréfin lánuð gegn greiðslu, selji þau síðan og voni að gengið lækki. Þegar gengið er í botni eru bréfin keypt á ný og þá hafa sjóðirnir hagnast um sem nemur muninum á sölu- og kaupverðinu. Loks er bréfunum skilað til eigandans.

Sigurður nefnir einnig bandaríska fjárfestingarbankann Bear Stearns í þessu sambandi og segir Kaupþing íhuga málarekstur gegn bandaríska bankanum þótt ekki sé ljóst hvar það mál verði rekið.